Wax akhris la’aanta ayey u badan tahay inuu sal u yahay, natiijooyinka hooseeya oo ay ilmuhu ka keenaan iskuulaadka.

Waxaa waalid badan oo qurbaha degan aad uga welweliya natiijooyinka hooseeya oo sida la wada tilmaamo ay keenaan ilmo badan oo iyagu waxbarashada halkan ku billaabay amaba iyagoo yar la keenay dalalka ay ku nool yihiin, waxaana rabaa inaan halkaan ku soo bandhigo qoraal yar oo aan ku eegayo waxa aan anigu arkay markaan su’aalo la dhex marmaray waalidiin badan oo iyagu ka cabanaya iskuulaadka oo uu walwal badan ka heysto hoos u dhaca waxbarashada iskuulaadka ay iyagu ilmahooda geeyaan.

Waxaanse rabaa inaan marka hore, sheego in iskuulaad badan oo ay ilmaheennu tagaan qaasatan magaalada aan ku noolahay ee Bristol, UK, inay hooseeyaan waxbarashada iskuulaadka bartamaha magaalada ku yaalla oo runtiina muddo badan laga cabanayay waxbarshada hooseysa ee iskuulaadkaas, waxaase iyana meesha ku jirta oo aan la dhayalsan Karin in ilmo badan oo dhigta iskuulaadkaas ay helaan natiijooyin fiican oo u saamixi kara inay waxbarshadooda hore u sii wataan, iyadoo la hubo in ardaydaasi heli lahaayeen natiijooyin ka sii fiican haddii ay joogi lahaayeen iskuulaadka magaalada qaarkood. Dheeho inta ka hartay qormadaan →

Advertisements

Dhalinyaro ogaada

somali flagMaanta waa maalin taariikhi ah oo aan dhammaanteen isugu hambalyeyneyno qiima weynna ugu fadhida ummadda Soomaaliyeed.

Waxaanse rabaa inaan isxasuusinno maanta meesha uu dalku marayo iyo hagardaamada nagu socota oo aan u baahannahay inaan meel uga soo wadajeesanno.

Waxaad moodaa in iftiin yar ka baxayo dhinaca kale ee godkii aan muddada ku soo soconnay, iftiinkaasina waxa uu rajo geliyay dhammaan ummadda Soomaaliyeed waxaana la rabaa in yar iyo weyn, rag iyo dumar inaan loo kala harin sidii iftiinka aan aragno u sii xoogeysan lahaa oo uu u gaari lahaa iftiin maalmeed.

Haddii la isku duubnaado oo la iska jiro waxyaabaha iyagu dhaliya kala qoqobka iyo kala socodka, waxaan hubaa in waa ka duwan kana qurux badan waa yadaan soo marnay Soomaali u billaaban doono, sidaas darteen DHALINYARO I MAQLA.

Haddii dalkaan ceelka ka soo baxaya mar kale Ceelka lagu celiyo, ogow adiga ayaa waqtigii kuugu quruxda badnaa kaa dhumayaa ee ha ka yeelin, mooryaan tuug ah, xildhibaan laaluush raba iyo ganacsato isagu dowladnimada dhib u arko inuu qabiil iyo qabyaalad wax kuugu sheego.

Maanta waa maalintii dhalinyarada sidii ay SYL iyo kuwo kale oo badan oo dhalinyaro ah ay qumeysigii dalka uga xoreeyeen, waxaa la idinka rabaa inaad dalka ka xoreysaan labo dilaa oo dalkeenna la haray oo la yiraa QABYAALAD iyo DAN GAAR AH.

Walaalayaal waan hubaa in waqtigeedii la joogo ee aan dhalin iyo waayeel u wada istaagno difaaca dalka, dadka iyo diinteenna. Maanta waxaa fudud wax badan oo horumar u ah dalka iyo dadka, gacmaha aynu is qabsanno oo dhahno;

Doonimeyno dib u socod, doonimeyno daniiste oo diidnay waxaan dalka iyo dadka dan u aheyn.

Guuleysta oo dalka iyo dadka aan difaacanno.

W/Q: Cabdixakiin C. Casir

Jabka iyo Dhacca ay Xawaaladaha ku hayaan Shacabka Soomaaliyeed

Miyaad is-waydiiseen weli sababaha keenay in kharashka xawaaladaha ay ka qaataan Soomaalida lacagaha dirto, illaa iyo haatan aynan is-dhimayn, iyadoo kharashka kaga baxo wax-isdhaafsiga ganacsigooda hoos u dagayo? Teknaloojiyadda is-gaarsiinta sida internetka iyo talleefanadda, tirade wakiiladda iyo ganacsatada meel-walba joogta, iyo, xawaaladaha badan ee dhexdooda tartamaya; intuba waxay ahaayeen inay saamayn weyn ku yeeshaan dulsaarka xawaaladaha ay kaqaataan shacabka Soomaaliyeed. Hadaba arrintii lafilanayay waa ay dhici-weyday. Waxaan rabaa, haday suurto-gal noqoto, in aan qoraalkan ku-furo dood is-waydaarsi si la’isu dhaafsado afkaar suurto-galin-karta go’aamo looga midoobayo mustaqbalka xawaaladaha. Dheeho inta ka hartay qormadaan →

Talo walaal oo Taabid (Guddoomiyaha Cusub ee Gobolka Banaadir) ku socota.

Astaanta GobolkaMarka hore waxaan rabaa inaan halkaan ugu soo gudbiyo Taabid hambalyo aan ugu hambalyeynayo xilka qaran ee lagu aaminay lagana dhex doortay dad badan oo dhammaan iyagu aaminsanaa inay yihiin masuuliyiin waxweyn ku soo kordhin kara maamulka magaalo madaxda dalka lana jaan qaadi kara maamulka cusub ee madaxweyne Farmaajo iyo Raisulwasaare  Kheyre.  Waxaana rabaa inaan halkaan kuugu soo gudbiyo talo aan kuu dooray oo aan ka dhaxlay muddaddii aan masuulka ka ahaa mid ka mid ah waaxyaha ugu muhiimsan ee maamulka Gobolka Banaadir. Waxaan hubaa haddii taladaas lagu daro qorshooyinka badan ee aad u heyso gobolka aad rabtana inaad ku horumariso in muddo kooban wax weyn loogu soo kordhin karo ummada degan magaalo madaxda dalka.

Shaqaalaha Gobolka Banaadir

Gobolka waxaa ka shaqeeya dhalinyaro aad u diyaarsan oo weliba madax ka ah waaxyo ay runtii waqti badan geliyeen aqoonna u leh shaqadooda naftootana u huray inay wax ku soo kordhiyaan dib u dhiska dalkooda kuna shaqeynayay xaalado adag oo laga yaabo in waqti dheer uu ka maqnaan jiray mushaarkooda amaba uu hadda bilo ka maqan yahay, una hayay xilkaas inay jiri doonto maalin ka fiican maanta oo ay imaan doonaan masuuliyiin dareensan baahiyaha iyo duruufaha ku xeeran shaqaalaha gobolka oo garab ku siin doona gudashada howlahooda, sienna doona qadarinta ay madaxdooda ka mudan yihiin. Waxaan marka talo kuugu soo jeedinayaa inaad ka fiirsato oo aadan ku degdegin inaad magacowto shaqsiyaad cusub oo aan howshaan garaneynin oo aad illaa maamulka waaxyaha iyo degmooyinka aad u dhiibto dad cusub. Waa muhiim in la bedelo shaqsigii lagu helo isagoo sameynayo sharci darro waana in sharciga la horgeeyaa, laakiin iska bedelkii horay u dhici jiray sxb waan kaala talinayaa haddii aad rabto horumar degdeg ah. Dheeho inta ka hartay qormadaan →

Maxey yihiin baahiyaha Dhabta ah ee dowladda cusub laga rabo inay wax ka qabato?

saddex-masuul-280x175In kasta oo la wada ogyahay inay wax badan u baahan tahay in waxweyn laga qabto baahiyaha iyo duruufaha maamul iyo dhaqaale ee dalka ka jira, haddana waxaa la isdhihi karaa inuu Madaxweyne farmaajo ku yimid baahi ballaaran oo ay xildhibaanada cusub iyo shacabkuba u qabaan in la helo hab maamul wax weyn ka duwan kii jiray dowladihii isaga ka horeeyay. Waxa kale oo uu isagu qudbooyinkiisa aad uga faaloon jiray intii aan la dooran, inuu haddii uu guuleysto uu aad ula dagaali doono maamul xumada iyo uruursiga dhaqaalaha dowladda oo ah mid si weyn dadka soomaaliyeed ay afka ugu hayeen muddo badan, maxaase la doorayaye laga filayaa Madaxweyne Maxammed Cabdullaahi Farmaajo?

Dheeho inta ka hartay qormadaan →

Dib u habeyn in lagu sameeyo qaabka waxbarashada dalka loo maamulo, waxey keeni kartaa in la helo waxbarasho tayeysan oo weliba la isku haleyn karo joogtana ah.

images 4Muddadii yareyd ee aan masuulka ka ahaa agaasinka waxbarashada gobolka Banaadir ayaan rabaa inaan tusaale idiin tuso waxyaabo aan anigu la kulmay oo aan mar kasta sabab uga dhigayo inay muhiim tahay in dib u habeyn lagu sameeyo qaabka loo maaulo waxbarashada dalka iyo weliba qaabka ay wasaaradda waxbarashadu ula shaqeyso maamullda dalka ka curtay iyo inta kale ee taageerta waxbarashada dalka.

Waxaa bishii lixaad ee 2014ka xafiiskeyga iigu yimid shaqaale u shaqeynayay heyad aanan magaceeda rabin inaan sheego oo muddo dheer ku talo jirtay inay dalka, qaasatan magaalada Muqdisho ka billowdo mashruuc waxbarasho oo dhowr milyan oo doolar ah oo socon doona muddo sedex sanadood ah. Sida ay ii sheegeen, waxa ay muddo ku noqnoqanayeen wasaaradda waxbarashada federaalka oo iyadu mar kastaba meelo kala duwan u diraysay iyada oo wax uga soo hagaagayna aysan jirin. Xubnaha aan la kulmay runtii waxa aya aad uga walwalsanaayeen inta lacagta malaayiinta ah oo ay ilmaha Soomaalidu, khaasatan kuwa Muqdisho u baahan yihiin oo laga yaabo in wada shaqeyn iyo howl fududeen la’aan inay lacagtaasi ku noqoto heyadihii soo dhiibay maadaama looga faa’iideyn waayay dadkii loo waday. Dheeho inta ka hartay qormadaan →

Ma Doorasho dadban, mase duudsi dadban.

imagesWaxey Soomaalidu dalkeedii u burburisay diidid ay diidayso kaligii talis isagu howlihi dowladeed ku soo koobay shaqsiyaad isaga ka agdhow oo weliba ku aragti ah.

Waxey soo socotaba oo maalinba ay meel soo joogtaba maanta waxa ay mareysaa in la yiraahdo reeruhu ha isi soo doortaan oo qofkii iyaga meteli lahaa ha soo xushaan.

Halkaas loogama harine, waxaa loo suntay oday kaligii taliye ah oo aan dan ka leheyn danta dadka uu sheeganayo inuu madax u yahay, manaba yaqaanno wax la tashi la yiraa oo meeshiisa ayuu kaligii taliye ka yahay, dhuunta kaliya ayuuna wax ka maqlaa waxna ka arkaa. Yaa nool ma leh, yaa reerka mudan inuu metelo – Soomaalina wax u teri kara ma leh. Waxa uu arkaa oo kaliya waa inuu maanta uu wax kasta dhaafsado labo shilin, oo uu ku amar ku taagleeyo awoodda aysan reerkiisu u dhiiban ee ay danley daniista ah ay shalay danahooda uga faa’iideysteen. Dheeho inta ka hartay qormadaan →